TOGO NƲVƆ BƆƆLƖ (SAARA 2 NGƖ ) | SƐƐMASI-KAKADL : ƖZƐLƖ ƖZƐLƖ, KƲƉƲM GƐ SƖBASƲ

Sɛɛmasɩ waŋmʋ Kakadl dɛ bɔɔɖɛ cere kejika, ajɛnjɛlɩm uroduu dɛɛ akoowu na lʋbɛ wʋrɛ, Sɔgɔɖɛyɩ dɛ bɔɔlɩ kadaɣ kʋbɔŋga da. Kokule kʋbɔŋɖɛ ɖaŋgɛ na bɔwa aŋ alɛɛnɩ, kàmà weŋba sibeɖi na, baŋgba saarà kʋbɔŋgɩ (D1). A bɩdacɩrɩ, asee bɩgba toore.

Sɛɛmasɩ dɛ bɔɔɖɛ na Kakadl dɛ bɔɔɖɛ bɔwɛ kpɩɩrɩtɩ da baɖaŋɛ kɛdɛɛzɩa dɛ bɔɔlɩ sɩbamakɩ cere kejika na. Sɛɛmasɩ sɩɩmʋna Kakadl dɛ bɔɔɖɛ Sɔgɔɖɛyɩ dɛ bɔɔlɩ kadaɣ kʋbɔŋga da. Kokule kɛdɛɛzɩa ŋna mɩlɛ kpeewu sɩɩlɛ ŋgɩ da (Poule B). Biiyele a
weŋba beeɖi na, ɩzɛlɩ ɩzɛlɩ, baŋka sɩbasʋ. Ama, a baamà koŋgo na koŋgo, Sɛɛmasɩ gɛ boŋvu fulɔ. Cere kejika, Sɔgɔɖɛyɩ laadʋ da, cuule sɩɩkʋrʋna. Biiyele Sɛɛması dɛ kʋbɔnáa waavʋŋlɔ lowu beŋveerinŋ bɛdɛɛ bɔɔɖɛ dɛ sɔɔlɩɖa sɩsɩ batɩlɩ badɩ, bɔɖɔkɩ badɩ, bakacaá tɔm, naárʋ ɩkatʋʋ naárʋ, naárʋ ɩkama naárʋ; kàmà, bɔɔlɩ dɛ màrà weegizi bɩlɛɛmʋ. Bika bɩlɛɛmʋ bʋwɔrɔ, a Sɛɛmasɩ dɛ bɔɔlɩ bɛɛŋra waala yowu, FTF waŋbɩɩzɩ kɩkpɔ yɩkasi (points) kɩcele Kakadl, baa Sɛɛmasɩ weeɖi.

Ɖɔŋdɔɔzɩ mɩ sɩsɩ bɔwa aŋ alɛɛnɩ alɔɔta, weŋɖe siɖiɖi na, ɖɩŋgba saarà kʋbɔŋgɩ baaya D1 LONATO na, kàmà bɛdɛɛ kpeewu da (Poule B), Olufadé Adékambi na ɩdɛ abaalabiya tɛɛnakʋ bɩɩza na yɩkasi lʋbɛ, ŋgɛ Kakadl waadɩnɩ na yɩkasi loɖo. Bɛdɛ tɔɔrɔ gɛ US Kozah, bɛlɛ bɛwɛna yɩka kʋɖʋmɔ.
Ɖɩkɔsɔɔna sɩsɩ, Togo dɛ nʋvɔ bɔɔlɩ dɛ kanʋŋɛ da, bɔɔɖɛ nɛɖɛrɛ fɛyɩ dɩngbaarɩna Sɛɛmasɩ na. Bʋrɔ fu gɛ boovuwɛ fulɔ.

Mawakisports365.tg waŋzʋlʋ kʋjʋnini weŋjelii bɔwa aŋ alɛɛnɩ. Kokule ɩtɛna alaafɩya yooo!